mir machet e Pause...

Liebi Steilörgelerfans und Ländlerfründe, de Thomas goht go go reise. Und das gad längeri Ziit, wie lang, das isch no unbestimmt. Us dem Grund düend d Steilörgeler pausiere und wirdet wohl oder übel für es Ziitli vo de Bühneflächi verschwinde.

Uf der Reis chrüz und quer dur d Wält wird er sicher vill wertvolli Erfahrige chöne sammlä, neui Musigrichtige und anderi Instrumänt känne lerne. Mir hoffet alli drü, dass es es Comeback mit de Steilörgeler wird geh, doch was passiert, wo das es de Thomas überall wird härezieh, wie's bim Fabian und bim Andrin im ne Johr / Zwei wird usgseh, das loht sich jetzt nunig säge.

Wänn mir üs wieder gsend und wänn mir wieder zäme werdet uf de Bühni stoh, wüsset mir sälber no nöd. Doch was sicher isch, d Freud am Musig mache und am zäme sii wird üs nie vergoh! 

 

Eui Steilörgeler

Andrin, Fabian und Thomas

 

Tschau zäme, bis glii...